ड्यूश बँकेचे माजी सह-मुख्य कार्यकारी अधिकारी अंशू जैन यांचे निधन

जर्मनीमधील सर्वात मोठी बँक ड्यूश बँकेचे (Deutsche Bank) माजी सह-मुख्य कार्यकारी (former ceo of Deutsche Bank) अधिकारी अंशू जैन (Anshu Jain) यांचे निधन झाले आहे. सुमारे 5 वर्षांपासून ते कर्करोगाशी झुंज देत होते तर भारतीय वंशाच्या अंशू जैन यांनी जून 2012 मध्ये ड्यूश बँकेचे सह-मुख्य कार्यकारी अधिकारी म्हणून पदभार स्वीकारला होता. मात्र, 2015 मध्ये त्यांनी कार्यकाळ पूर्ण होण्याआधीच राजीनामा देऊन सर्वांना चकित केले होते तर अंशू जैन यांचा कार्यकाळ 2017 मध्ये पूर्ण होत होता. (Former Co CEO of Deutsche Bank Anshu Jain passed away)

राजीनाम्यानंतर आजारपण :

काही वर्षांनंतर अंशू जैन यांना कॅन्सर झाल्याचे कळले तर जैन यांच्या पश्चात पत्नी व दोन मुले असा परिवार आहे. अंशू मूळचा जयपूर, राजस्थानचा असून त्याने दिल्ली विद्यापीठातून ग्रॅज्युएशन पुर्ण केले आहे.

डॉइश बँकेचे नशीब पालटले :

सह-मुख्य कार्यकारी अधिकारी म्हणून नियुक्ती झाल्यानंतर अंशू जैन यांचे असे अनेक निर्णय होते, ज्यामुळे बँक प्रगतीच्या मार्गावर धावली होती. जर्मन सावकाराने विक्रमी नफा कमावला असताना, बँकेला रोखे व्यापार आणि गुंतवणूक बँकिंग पॉवरहाऊसमध्ये बदलण्यात मदत झाली होती.