Budget 2023: करदात्यांच्या आनंदासाठी अर्थमंत्र्यांची मोठी घोषणा, 10 प्रकारे घेऊ शकता सूट...!

FM Nirmala Sitharaman: 2023 चा अर्थसंकल्प सादर होण्याची तारीख जसजशी जवळ येत आहे, तसतशी करमुक्तीच्या हालचाली वाढत आहेत. नोकरी व्यवसायाला यावेळी आयकर सवलतीच्या मर्यादेत वाढ होण्याची अपेक्षा आहे. दरम्यान, अर्थमंत्री निर्मला सीमारामन यांनी करमुक्तीबाबत मोठे वक्तव्य केले आहे. त्यांनी सांगितले की, कमी उत्पन्न गटातील लोकांना कमी कर भरावा लागावा म्हणून सरकारने सात टॅक्स स्लॅब असलेली पर्यायी आयकर प्रणाली आणली आहे. सीतारामन पुढे म्हणाल्या की, जुन्या कर प्रणालीमध्ये प्रत्येक करदाता सुमारे 7-10 मार्गांनी सूटचा दावा करु शकतो.

नवीन प्रणालीमध्ये कोणतीही सूट नाही

जुन्या कर प्रणालीमध्ये, उत्पन्नाच्या मर्यादेनुसार आयकर दर 10, 20 आणि 30 टक्के दरम्यान होते. सितारामन म्हणाल्या की, 'जुन्या कर प्रणालीबरोबरच सरकारने आणखी एक प्रणाली आणली आहे, ज्यामध्ये कोणतीही सूट नाही, परंतु ती सोपी असून करही कमी आहे.' त्या पुढे म्हणाल्या की, 'मला सात स्लॅब बनवावे लागले जेणेकरुन कमी उत्पन्न (Income) गटातील लोकांना कमी दर मिळतील.'

तसेच, आयकर सवलतीची मर्यादा अडीच लाखांवरुन 5 लाखांपर्यंत वाढवण्याची मागणी करदात्यांनी अनेक दिवसांपासून सरकारकडे केली आहे. यासोबतच 80C अंतर्गत गुंतवणुकीची मर्यादा वाढवण्याचीही मागणी आहे. सरकार (Government) कोणत्या मागण्यांवर विचार करते आणि 1 फेब्रुवारी रोजी अर्थसंकल्पात त्याची घोषणा केली जाते, हे पाहणे आता महत्त्वाचे ठरणार आहे.