CNG- PNG Latest Price In Mumbai: देशात दिवसेंदिवस वाढत चाललेल्या महागाईमुळे सर्वसामान्यांच्या अडचणी वाढत आहेत. देशाची आर्थिक राजधानी मुंबईत महिनाभरात पुन्हा सीएनजी आणि पीएनजीच्या दरात वाढ करण्यात आली आहे. यावेळी सीएनजीच्या दरात 3.50 रुपयांनी तर पीएनजीच्या दरात 1.50 रुपयांची वाढ करण्यात आली आहे. या वाढलेल्या किमती तात्काळ लागू करण्यात आल्या आहेत. इंधनाच्या दरात ही वाढ झाल्याने मुंबईकरांच्या अडचणी वाढणार असल्याचे मानले जात आहे.
लोकांच्या घराचे बजेट बिघडेल
मिळालेल्या माहितीनुसार, 3 ऑक्टोबर रोजी मुंबईत (Mumbai) सीएनजीची (CNG) किंमत 86 रुपये प्रति किलो होती. त्याच वेळी, पीएनजीची किंमत प्रति एससीएम 52.50 रुपये होती. आता या किमतीत वाढ करुन सीएनजीचा दर 89.50 रुपये प्रति किलो आणि पीएनजीचा दर 54 रुपये प्रति एससीएम झाला आहे. सरकारच्या या निर्णयामुळे मुंबईकरांचा प्रवास महागणार आहे. तसेच पीएनजीच्या (PNG) किमतीत वाढ झाल्याने त्यांच्या घराचे बजेटही बिघडणार आहे.
सरकार वर्षातून दोनदा दर ठरवते
केंद्र सरकार वर्षातून दोनदा नैसर्गिक वायूच्या किमती बदलते. ती 1 एप्रिल रोजी पहिला बदल करते. त्यादरम्यान निश्चित केलेल्या किमती 30 सप्टेंबरपर्यंत लागू राहतील. दुसरा बदल 31 मार्च रोजी करण्यात आला आहे. त्यादरम्यान निश्चित केलेल्या किमती 31 मार्चपर्यंत लागू राहतील. मात्र, आता ही परंपरा खंडित होताना दिसत आहे. सरकारने ऑक्टोबर-नोव्हेंबरमध्ये सलग दोन वेळा सीएनजी-पीएनजीच्या किमती वाढवल्या आहेत. त्यामुळे महागाईचा फटका जनतेला अधिकच बसणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
