भारतीय टेक मार्केटमध्ये सणासुदीच्या काळात नव्या डिव्हाइसची रेलचेल पाहायला मिळत आहे. याच पार्श्वभूमीवर Ai+ या कंपनीने भारतीय ग्राहकांसाठी तीन नवीन डिव्हाइस सादर केले आहेत. कंपनीने Pulse 2 FE स्मार्टफोन, NovaTab 5G टॅबलेट आणि Nova LapTab अशी तीन उत्पादने बाजारात आणली आहेत. विशेष म्हणजे, स्मार्टफोननंतर कंपनीने आता टॅबलेट आणि लॅपटॉपसदृश डिव्हाइसच्या बाजारातही प्रवेश केला आहे. या तिन्ही डिव्हाइसची सुरुवातीची किंमत ₹9,999 ठेवण्यात आली आहे.
Ai+ Pulse 2 FE हा कंपनीच्या नव्या लाइनअपमधील सर्वात स्वस्त डिव्हाइस आहे. पहिल्यांदा स्मार्टफोन खरेदी करणाऱ्या ग्राहकांसह बजेटमध्ये फोन अपग्रेड करू इच्छिणाऱ्यांना लक्षात घेऊन हा फोन तयार करण्यात आला आहे. यात 6.67 इंचाचा HD+ IPS डिस्प्ले असून त्याला 120Hz रिफ्रेश रेट देण्यात आला आहे. त्यामुळे सोशल मीडिया स्क्रोलिंग, व्हिडीओ पाहणे आणि दैनंदिन वापरासाठी स्क्रीनचा अनुभव अधिक स्मूथ ठेवण्याचा प्रयत्न करण्यात आला आहे.
फोनमध्ये MediaTek G81 प्रोसेसर, 4GB रॅम आणि 64GB स्टोरेज मिळते. मायक्रोएसडीच्या माध्यमातून स्टोरेज 1TB पर्यंत वाढवता येते. फोटोग्राफीसाठी HDR सपोर्टसह 50MP AI रिअर कॅमेरा आणि 8MP फ्रंट कॅमेरा देण्यात आला आहे.
Pulse 2 FE मध्ये 5,000mAh बॅटरी असून 18W चार्जिंग सपोर्ट मिळतो. सुरक्षेसाठी साइड-माउंटेड फिंगरप्रिंट सेन्सर देण्यात आला आहे. फोनला IP64 रेटिंग मिळाले असून कॉलिंगदरम्यान आवाज अधिक स्पष्ट राहण्यासाठी ड्युअल-माइक नॉइज कॅन्सलेशनची सुविधाही देण्यात आली आहे.
हा स्मार्टफोन Android 16 आधारित nxtQ OS वर काम करतो. ग्राहकांना ब्लॅक, ब्लू, ग्रीन आणि पर्पल अशा रंगांमध्ये हा फोन उपलब्ध होणार आहे.
Ai+ ने टॅबलेट सेगमेंटमध्ये NovaTab 5G सादर केला आहे. विद्यार्थ्यांना अभ्यास, ऑनलाइन रिसर्च आणि मनोरंजनासाठी उपयोगी ठरेल, अशा पद्धतीने हे डिव्हाइस तयार करण्यात आले आहे. यात 11.97 इंचाचा 90Hz डिस्प्ले देण्यात आला आहे.
NovaTab मध्ये T760 ऑक्टा-कोर प्रोसेसर असून 6GB किंवा 8GB रॅम आणि 128GB स्टोरेजचे पर्याय मिळतात. टॅबलेटचे सर्वात महत्त्वाचे वैशिष्ट्य म्हणजे यात 5G आणि Wi-Fi कनेक्टिव्हिटी उपलब्ध आहे.
NovaTab मध्ये 8,000mAh बॅटरी देण्यात आली असून ती 18W चार्जिंगला सपोर्ट करते. मल्टिमीडिया वापरासाठी ड्युअल स्पीकर्स देण्यात आले आहेत. कॅमेरा सेटअपमध्ये 13MP रिअर आणि 8MP फ्रंट कॅमेरा मिळतो.
हा टॅबलेटही Android 16 आधारित nxtQ OS वर चालतो. डार्क ब्लू आणि सिनेमन ब्राउन अशा दोन रंगांमध्ये तो उपलब्ध होईल.
कंपनीच्या नव्या लाइनअपमधील सर्वाधिक फीचर्स असलेले डिव्हाइस म्हणजे Nova LapTab. नावाप्रमाणेच हे डिव्हाइस टॅबलेट आणि लॅपटॉप यांच्यामधील पर्याय म्हणून सादर करण्यात आले आहे. यात 13.2 इंचाचा 2.4K डिस्प्ले असून त्याचे रिझोल्यूशन 2,400 × 1,600 पिक्सेल आहे. स्क्रीनचा रिफ्रेश रेट 90Hz आहे.
याचा 3:2 आस्पेक्ट रेशो अभ्यास, डॉक्युमेंट तयार करणे आणि ऑफिसच्या कामासाठी अधिक उभ्या स्क्रीन स्पेसची सुविधा देतो. यासोबत स्टायलस आणि वेगळा कीबोर्ड वापरण्याची सुविधा आहे. त्यामुळे नोट्स लिहिणे, व्हिडीओ पाहणे किंवा टायपिंगसारखी कामे करता येतात.
Nova LapTab मध्ये MT8755 ऑक्टा-कोर प्रोसेसर, 8GB रॅम आणि 128GB स्टोरेज मिळते. स्टोरेज 1TB पर्यंत वाढवता येते. डिव्हाइसमध्ये 10,000mAh क्षमतेची बॅटरी असून 33W फास्ट चार्जिंग सपोर्ट देण्यात आला आहे. याशिवाय क्वाड स्पीकर्सही मिळतात.
कनेक्टिव्हिटीसाठी 5G आणि Wi-Fiचा सपोर्ट आहे. कॅमेऱ्याच्या बाबतीत 16MP रिअर आणि 8MP फ्रंट कॅमेरा मिळतो. हे डिव्हाइस टील ग्रीन आणि डार्क ब्लू रंगात उपलब्ध होईल.
Ai+ च्या नव्या उत्पादनांची विक्री 7 ऑक्टोबर रोजी रात्री 11:59 वाजल्यापासून Flipkart वर सुरू होणार आहे. कंपनीने जाहीर केलेल्या किंमती पुढीलप्रमाणे आहेत:
Ai+ Pulse 2 FE (4GB/64GB) – 9,999 पासून
Ai+ NovaTab (6GB/128GB) – 17,999, बँक ऑफर्ससह
Ai+ NovaTab (8GB/128GB) – 20,999, बँक ऑफर्ससह
Ai+ Nova LapTab (8GB/128GB) – 24,999, बँक ऑफर्ससह
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.