Adani Group News: अदानी समूह येत्या 7 वर्षांत एक लाख कोटी रुपयांची गुंतवणूक करणार आहे. ही गुंतवणूक कर्नाटकात केली जाणार आहे. अदानी पोर्ट्स आणि सेझ लिमिटेडचे मुख्य कार्यकारी अधिकारी (सीईओ) करण गौतम अदानी यांनी ही माहिती दिली आहे.
करण गौतम अडानी यांनी माहिती दिली
करण अदानी म्हणाले की, “कर्नाटकमध्ये (Karnataka) आम्ही ज्या क्षेत्रात गुंतवणूक आणि विस्तार करणार आहोत, त्यामध्ये पुढील सात वर्षांत सुमारे एक लाख कोटी रुपयांची गुंतवणूक केली जाईल. जगातील सर्वात मोठी सौर ऊर्जा कंपनी असल्याने अदानी समूह राज्यात अक्षय ऊर्जेमध्ये अधिक गुंतवणूक करणार आहे.''
तसेच, करण अदानी यांनी पुढे सांगितले की, 'आदानी समूह कर्नाटकमध्ये सिमेंट, ऊर्जा, पाइप गॅस, खाद्यतेल, वाहतूक, लॉजिस्टिक आणि डिजिटल (Digital) अशा अनेक क्षेत्रात सक्रिय आहे. आतापर्यंत 20,000 कोटींहून अधिक गुंतवणूक केली आहे.'
सिमेंट व्यवसायावर अदानींचे लक्ष
गौतम अदानी हे गेल्या काही दिवसांत केवळ भारतातीलच नव्हे तर जगातील आघाडीचे उद्योगपती म्हणून उदयास आले आहेत. सध्या, अदानी समूहाचे कर्नाटकात 7 दशलक्ष टनांहून अधिक क्षमतेचे चार सिमेंट कारखाने आहेत. करण अदानी यांनी सांगितले की, 'समूह या क्षेत्रातही आपली ताकद वाढवेल. याशिवाय मंगळुरु आंतरराष्ट्रीय विमानतळाचाही (Airport) विस्तार करण्यात येणार आहे. अदानी विल्मार मंगळुरुमध्ये आपली ताकद वाढवत आहे.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
