7th Pay Commission In Punjab: नवीन वर्ष सुरु होण्यासाठी आता अवघे काही तास उरले आहेत. पण त्याआधी पंजाबच्या आम आदमी पक्षाच्या सरकारने (Punjab AAP Government) सरकारी कर्मचाऱ्यांना नववर्षाच्या भेटवस्तू दिल्या आहेत. मुख्यमंत्री भगवंत मान सरकारने नवीन वर्षापासून राज्य सरकारी विद्यापीठे आणि महाविद्यालयांतील कर्मचाऱ्यांना सातव्या वेतनश्रेणीनुसार वेतन देण्याची घोषणा केली आहे. या घोषणेच्या कार्यक्षेत्रात विद्यापीठे आणि महाविद्यालयांमध्ये काम करणाऱ्या सर्व शिक्षक-शिक्षकेतर कर्मचाऱ्यांचा समावेश आहे.
मान सरकारमधील उच्च शिक्षण मंत्री गुरमीत सिंह मीत हरे यांनी सांगितले की, सीएम भगवंत मान यांनी 5 सप्टेंबर रोजी शिक्षक दिनी महाविद्यालये आणि विद्यापीठांच्या कर्मचाऱ्यांना (Employees) 7 व्या वेतन आयोगाचा लाभ देण्याची घोषणा केली होती. आता हीच थकबाकी 2 हप्त्यांमध्ये देण्याचा निर्णय घेण्यात आला आहे.
तसेच, पंजाबमधील (Punjab) सरकारी महाविद्यालयांमध्ये कार्यरत नियमित टीचर, गेस्ट टीचर, कंत्राटी पद्धतीने काम करणारे टीचर, गेस्ट प्राध्यापक आणि अर्धवेळ प्राध्यापकांना सरकारच्या या निर्णयाचा लाभ मिळणार आहे. यासोबतच त्यांच्याबरोबर कार्यरत असलेल्या शिक्षकेत्तर कर्मचाऱ्यांनाही ही थकबाकी दिली जाणार आहे.
गुरमीत सिंग मीत हरे पुढे म्हणाले की, 'भगवंत मान सरकारने शिक्षकांची गेल्या 6 वर्षांपासूनची मागणी पूर्ण केली आहे. या घोषणेमुळे सरकारी तिजोरीवर 280 कोटी रुपयांचा बोजा पडणार आहे, मात्र ही रक्कम शिक्षकांच्या आनंदापुढे काही नाही. ही तूट सरकार इतर स्रोतांमधून भरुन काढण्यात येणार आहे.'
दुसरीकडे, सीएम भगवंत मान यांनी अमृतसरमध्ये एका सरकारी कार्यक्रमात सहभागी होऊन पंजाबी भाषेच्या संवर्धनाबाबत मोठी घोषणा केली. ते म्हणाले की, '21 फेब्रुवारी रोजी आंतरराष्ट्रीय मातृभाषा दिन साजरा केला जातो. हा दिवस यायला अजून 2 महिने बाकी आहेत. तोपर्यंत सर्व फलक पंजाबी भाषेत प्राधान्याने करावेत. असे करण्यात अयशस्वी झाल्यास 21 फेब्रुवारीनंतर त्यांच्यावर दंड आकारला जाईल, ज्यासाठी लोक स्वत: जबाबदार असतील.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
