7th Pay Commission: DA बाबत आली मोठी बातमी, 'या' दिवशी मिळणार 50 टक्के महागाई भत्ता!

7th Pay Commission DA Hike: केंद्र सरकारच्या कर्मचाऱ्यांसाठी एक आनंदाची बातमी आहे. केंद्र सरकार महागाई भत्त्यात (DA Hike) पुन्हा एकदा बंपर वाढ करण्याचा विचार करत आहे. त्यानंतर कर्मचाऱ्यांना मिळणारा महागाई भत्ता 42 टक्क्यांवरुन 50 टक्क्यांपर्यंत वाढणार आहे.

त्यात थेट वाढ होणार आहे. सरकारकडून महागाई भत्त्यात वर्षातून दोनदा वाढ केली जाते. मार्चमध्येच सरकारने कर्मचाऱ्यांच्या डीएमध्ये 4 टक्क्यांनी वाढ केली आहे. सरकार डीए कधी वाढवणार आहे ते आम्ही तुम्हाला सांगणार आहोत.

जुलैमध्ये वाढ होईल

सरकारने मार्च महिन्यात केंद्रीय कर्मचार्‍यांचा (Employees) महागाई भत्ता 4 टक्क्यांनी वाढवला आहे, त्यानंतर महागाई भत्ता 42 टक्के झाला आहे.

ही वाढ जानेवारी 2023 पासून लागू झाली. आता पुढील महागाई भत्ता जुलै 2023 पासून जाहीर होणार आहे. पुढील वाढ देखील 4 टक्के होईल, अशी अपेक्षा आहे.

पगारात बंपर वाढ होणार आहे

वाढत्या महागाईच्या (Inflation) काळात कर्मचाऱ्यांच्या भत्त्यात चांगली वाढ होणार आहे. कर्मचाऱ्यांच्या महागाई भत्त्यामुळे आगामी काळात पगारवाढ होऊ शकते.

50 टक्क्यांवर पोहोचल्यानंतर DA शून्य होईल

महागाई भत्त्याचा नियम असा आहे की, सरकारने 2016 मध्ये 7 वा वेतन आयोग लागू केला, त्यावेळी महागाई भत्ता शून्य करण्यात आला होता.

नियमांनुसार, महागाई भत्ता 50 टक्क्यांपर्यंत पोहोचताच तो शून्य केला जाईल आणि 50 टक्क्यांनुसार कर्मचाऱ्यांना भत्ता म्हणून मिळणारे पैसे मूळ वेतनात म्हणजेच किमान वेतनात जोडले जातील.

पगारात 9000 रुपयांनी वाढ होणार आहे

जर एखाद्या कर्मचाऱ्याचा मूळ पगार 18000 रुपये असेल तर त्याला 50% DA च्या 9000 रुपये मिळतील.

परंतु, जेव्हा डीए 50 टक्के असेल तेव्हा तो मूळ पगारात जोडला जाईल आणि पुन्हा महागाई भत्ता शून्यावर आणला जाईल.