7th Pay Commission: सरकारी कर्मचाऱ्यांना महागाई भत्ता (डीए) वाढवण्याची अपेक्षा अनेक दिवसांपासून होती. दुसरीकडे, 7 व्या वेतन आयोगाच्या वेतन पॅकेज अंतर्गत, केंद्रीय कर्मचाऱ्यांना मार्च 2023 पर्यंत आनंदाची बातमी मिळू शकते. त्यांचा महागाई भत्ता (DA) मार्च 2023 पर्यंत वाढण्याची शक्यता आहे, असे अनेक मीडिया रिपोर्ट्स सूचित करतात. डीए वाढीशिवाय, केंद्र सरकार पेन्शनधारकांसाठी महागाई रिलीफ (DR) देखील वाढवू शकते.
Dearness Allowance and Dearness Relief
सरकारी कर्मचार्‍यांना हे माहित असले पाहिजे की, महागाई भत्ता आणि महागाई रिलीफ (Dearness Relief) या दोन्हीमध्ये वर्षातून दोनदा सुधारणा केली जाते, प्रथम जानेवारी आणि नंतर जुलैमध्ये आणि आता नवीन वर्ष जवळ येत असताना, सरकारी कर्मचार्‍यांना DA वाढीची बातमी मिळू शकते, ज्यामुळे त्यांना नक्कीच फायदा होईल. अहवालांवर विश्वास ठेवल्यास, मार्च 2023 पर्यंत केंद्रीय कर्मचाऱ्यांना (Employees) 3 ते 5 टक्के डीए वाढ होण्याची शक्यता आहे.
Last DA Hike
केंद्राने सप्टेंबर 2022 मध्ये DA वाढवला होता, ज्यामुळे सुमारे 48 लाख केंद्रीय कर्मचारी आणि 68 लाख पेन्शनधारकांना फायदा झाला. सरकारने (Government) डीएमध्ये 4 टक्के वाढ जाहीर केली होती, त्यानंतर एकूण महागाई भत्ता 38 टक्क्यांवर पोहोचला होता. सप्टेंबरच्या वेतनवाढीपूर्वी केंद्रीय कर्मचाऱ्यांना 34 टक्के डीए मिळत होता, जो मार्च 2022 मध्ये 3 टक्क्यांनी वाढला.
7th Pay Commission DA
याआधी सरकारने कोविड महामारीच्या काळात डीए वाढवण्याची घोषणा केली नव्हती. 1 जुलै 2021 पासून सरकारने महागाई भत्त्यात 11 टक्के वाढ केली होती. जुलै 2021 पासून, DA 17 टक्क्यावरुन 28 टक्के करण्यात आला. सध्या केंद्रीय कर्मचाऱ्यांना 38 टक्के डीए मिळत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
