थिवीत कोमुनिदादच्या दोन लाख चौमी. जागेत ‘वर्ल्ड पीस युनिव्हर्सिटी’ स्थापण्याच्या प्रस्तावाला थिवीवासीयांनी तीव्र विरोध नोंदवला आहे. या विद्यापीठामुळे थिवीची नैसर्गिक संपदा नष्ट होईल अशी भीती स्थानिकांना आहे. या प्रकल्पासंदर्भात रविवारी (ता. 6) सायंकाळी थिवी पंचायत इमारतीच्या सभागृहात बैठक बोलावली होती. थिवी कोमुनिदादच्या जागेत येणाऱ्या या ‘वर्ल्ड पीस युनिव्हर्सिटी’ला गोवा आयपीबीने तत्वतः मान्यता दिली असली तरी गावच्या डोंगरमाथ्यावर येणाऱ्या विद्यापीठास ग्रामस्थांची हरकत असून सरकारच्या या निर्णयाविरोधात आम्ही रस्त्यावर उतरु तसेच कोर्टाचे दार ठोठावू, अशी व्रजमूठ थिवीवासीयांनी बांधली आहे.