राज्यात गेल्या काही दिवसांपासून डोंगर कापणीचा मुद्दा चांगलाच गाजत आहे. याच पाश्वभूमीवर आता राज्याचे नगरनियोजनमंत्री विश्वजित राणे यांनी सख्त भूमिका घेतली आहे. अवैध डोंगर उत्खननावर 25 लाखापर्यंतचा दंड ठोठावण्यासाठी कायद्यात सुधारणा करणार असल्याचे राणेंनी सांगितले आहे. डोंगरकापणी रोखण्यासाठी प्रशासनाने गतीने पावले उचलली असल्याचेही ते सांगायला विसरले नाहीत. डोंगर कापणीला 'टीसीपीने परवानगी दिलेली नाही; परंतु लोक खात्याकडेच बोट दाखवतात, असेही त्यांनी स्पष्ट केले.