भारतीय महिला कुस्तीपटू विनेश फोगाट हिला बुधवारी (14 ऑगस्ट) मोठा धक्का बसला. क्रिडा लवादाने तिची याचिका फेटाळून लावली. तिने आपल्या याचिकेत संयुक्तरित्या रौप्यपदक देण्याची मागणी केली होती. मात्र तिची ही मागणी फेटाळण्यात आली. पॅरिस ऑलिम्पिक 2024 स्पर्धेत विनेशचं अंतिम सामन्याआधी 100 ग्रॅम वजन जास्त आढळल्याने तिला अपात्र ठरवण्यात आलं होतं. या अपात्रतेलाच विनेश हिने कोर्ट ऑफ आर्बिट्रेशन फॉर स्पोर्ट या क्रिडा लवादामध्ये आव्हान दिलं होतं. क्रिडा लवादाने विनेशच्या याचिकेवरील आपला निर्णय तीन वेळा राखून ठेवला होता. मात्र बुधवारी तिच्या या याचिकेवरील निर्णय तडकाफडकी जाहीर करण्यात आला. लवादाने विनेशची याचिका फेटाळली.