पणजी: गोवा प्रदेश काँग्रेसचे अध्यक्ष अमित पाटकर यांनी पक्षाचे आमदार अॅड. कार्ल्स फेरेरा यांच्याविरोधात काँग्रेसचे अखिल भारतीय प्रभारी माणिकराव ठाकरे यांच्याकडे थेट तक्रार पाठवली आहे.

पक्षविरोधी कारवाया केल्याचा ठपका पाटकर यांनी त्यांच्यावर ठेवला आहे. त्यांनी पत्रात नमूद केले आहे की, फेरेरा यांनी ७ जुलै रोजी कुडचडे येथे झालेल्या काँग्रेसच्या 'संविधान बचाव' अभियानाला गैरहजर राहून पक्षविरोधी भूमिका घेतली.

विशेष म्हणजे, त्यानंतर अवघ्या तीन दिवसांनी १० जुलै रोजी त्यांनी कुडचडे येथेच भाजप आमदार नीलेश काब्राल यांच्या वाढदिवस सोहळ्याला उपस्थिती लावली.