गोवा सरकारचा मंत्रिमंडळ विस्तार अनेक दिवसांपासून रखडला आहे. विधानसभा अधिवेशनानंतर हा विस्तार होणार असल्याचे सूतोवाच प्रदेशाध्यक्ष दामू नाईक यांनी केले होते. यानंतर मुख्यमंत्री प्रमोद सावंत आणि प्रदेशाध्यक्ष दामू नाईक यांनी दिल्लीत बैठकांचा सपाटा लावला आहे. मुख्यमंत्री सावंत यांनी दिल्लीत अमित शाह, आणि जे. पी नड्डा यांची भेट घेतली तर, दामू नाईक यांनी बी. एल. संतोष यांची भेट घेतली. त्यामुळे राज्यातील मंत्रिमंडळ विस्तार लवकरच होण्याची शक्यता आहे.