सरकारच्या 'माझे घर' योजनेंतर्गत ताब्यात असलेल्या सरकारी जमिनी परत देण्यास वन म्हावळींग कुडचिरे पंचायत क्षेत्रातील ग्रामस्थांनी तीव्र हरकत घेतली आहे. तसा निर्णयही पंचायतीच्या ग्रामसभेत घेण्यात आला. सरकारी प्रकल्पांच्या नावाखाली आमच्या घरांसह ताब्यात असलेल्या सरकारी जमीनीवर संक्रांत येत असेल, तर आमचा प्रकल्पांना विरोध आहे. अशी भूमिका प्रामस्थांनी घेतली.

घरे आणि जमिनींचे सर्वेक्षण या मुद्यावर आज वन म्हावळगि कुडचिरे पंचायतीची खास ग्रामसभा बोलाविण्यात आली होती. सरपंच मिथिल गावस यांच्या अध्यक्षतेखाली म्हावळींग येथील श्री सातेरी केळबाई मंदिर सभागृहात ही प्रामसभा झाली. दहा दिवसांपूर्वी म्हणजेच गेल्या ११ ऑगस्ट रोजी घरे आणि जमिनींचे सर्वेक्षण करण्यासाठी सरकारी अधिकारी वन म्हावळींगे येथे आले होते. त्यामुळे अस्वस्थ बनलेल्या प्रामस्थांनी रस्त्यावर उतरून सर्वेक्षणाचा प्रकार हाणून पाडला होता. त्यामुळे आजची ग्रामसभा महत्त्वाची होती. याप्रकरणी उच्व न्यायालयात दाखल केलेल्या याचिकेला म्हावळींगे-कुडचिरे पंचायतीने आव्हान दिले आहे. ग्रामसभेला जवळपास पावणे दोनशे ग्रामस्थ उपस्थित होते.