वाळपई: वाळपई शहरामध्ये बेशिस्त पार्किंगमुळे वाहतूक कोंडीची समस्या दिवसेंदिवस गंभीर होत आहे. सणासुदीचे दिवस आणि संततधार पाऊस यामुळे परिस्थिती आणखी बिकट झाली आहे. शहरातील अनेक नागरिक आपली वाहने कुठेही रस्त्याच्या कडेला उभी करतात, त्यामुळे वाहतुकीला मोठा अडथळा निर्माण होत आहे. विशेषतः वाळपई-ठाणे मार्ग आणि वाळू-महारगाव रस्त्यावर वाहतूक कोंडीत मोठ्या प्रमाणात वाढ झाली आहे. या वाहतूक कोंडीमुळे सामान्य नागरिकांना, तसेच वाहनचालकांनाही मोठा त्रास सहन करावा लागत आहे. या समस्येवर तातडीने उपाययोजना करण्याची मागणी नागरिक करत आहेत.