वाळपई: सत्तरी भागात म्हादई नदीला जाऊन मिळणारी नदी वाहते, मात्र लोकांनी पसरवलेल्या कचऱ्यामुळे नदी प्रदूषित झाली आहे. ही नदी जर का अशीच प्रदूषित होत राहिली तर गावांमध्ये नदीचं पाणी पिणाऱ्या स्थानिकांना त्रास सहन करावा लागू शकतो अशी भीती व्यक्त केली जातेय. काही लोकं या नदीच्या पात्रात प्लास्टिक बॅग, राहिलेल्या वस्तू, जुनं सामान, फुलं अशा कित्येक गोष्टी आणून टाकतायत हे जर का असंच सुरु राहिलं तर येणाऱ्या काळात नदीची स्थिती आणखीन बिकट होईल अशी भीती व्यक्त केली जातेय.

सत्तरीतील मासोर्डे या गावातील गौरेश गावस तसेच कृष्णा गावास नावाच्या स्थानिकांनी माध्यमांशी संवाद साधला. झर्मे गावातून होणाऱ्या या नदीचा उगम गावांमधून जात म्हादई नदीला मिळतो मात्र स्थानिकांकडून केल्या जाणाऱ्या अशा गैरप्रकारांमुळे नदीच्या अस्तित्वाला धोका निर्माण झाला आहे. वाळपई नगरपालिकडेने यात वेळीच लक्ष घालूं प्रश्न सोडवावा तसेच लोकांनी नदीत कचरा टाकण्याची चूक करू नये अशी मागणी स्थानिक करत आहेत.