पणजी : पणजी मतदारसंघातील ३० पैकी २८ बुथस्तरीय अधिकाऱ्यांच्या (बीएलओ) अचानक केलेल्या बदलीला विरोध वाढू लागल्याने अखेर तो बदलीचा आदेश जिल्हा निवडणूक नोंदणी अधिकाऱ्यांनी स्थगित ठेवला आहे.

पूर्वीप्रमाणेच बदली झालेल्या बीएलओंकडे ताबा राहणार असून तेच मतदार याद्यांची उजळणीचे काम करतील. तसेच नव्या बीएलओंना आता पूर्वीच्याच कामाच्या ठिकाणी जावे लागणार आहे. ही स्थगिती मिळाल्याने मंत्री बाबूश मोन्सेरात यांना हा झटका असल्याचे बोलले जाऊ लागले आहे.