सुरावली रेल्वे क्रॉसिंगजवळ एक मोठा अपघात झाल्याची घटना समोर आली. या अपघातात बाणावलीच्या एका तरुणाचा मृत्यू झाला. लिओ फर्नांडिस असे या तरुणाचे नाव आहे. मृतकाला अपघातानंतर तात्काळ मडगावातील एका खासगी रुग्णालयात तात्काळ दाखल करण्यात आले, मात्र तो वाचू शकला नाही. या अपघातामुळे रेल्वे क्रॉसिंगजवळ तात्पुरती वाहतूक विस्कळीत झाली. मात्र अपघाताची माहिती मिळताच स्थानिक पोलिसांनी तातडीने घटनास्थळी धाव घेऊन वाहतूक सुरळीत करण्यासोबत पंचनामा देखील केला. पोलिसांचा पुढील तपास सुरु आहे.