राज्यात सध्या सनबर्न फेस्टिव्हलच्या दक्षिण गोव्यातील आयोजनावरुन वादंग निर्माण झाला आहे. दक्षिण गोव्यातील गावांनी या फेस्टिव्हलला कडाडून विरोध केला आहे. ग्रामसभेत ठराव मंजूर करुन हा विरोध केला जात आहे. दरवर्षी उत्तर गोव्यात सनबर्न फेस्टिव्हलचे आयोजन केले जाते. मात्र आयोजकांनी सनबर्नचे ठिकाण बदल्याने वातावरण तापले. काही दिवसांपूर्वी सनबर्न फेस्टिव्हलच्या माध्यमातून दक्षिण गोव्यात सरकार ड्रग्ज कल्चर आणू पाहत असल्याचा आरोप गोवा फॉरवर्ड पक्षाचे आमदार विजय सरदेसाई यांनी केला होता. याचदरम्यान, सनबर्न फेस्टिव्हल ही गोव्याची संस्कृती नसल्याचे म्हणत आम आदमी पक्षाचे नेते अमित पालेकर यांनी घणाघात केला. सनबर्नच्या माध्यमातून गोव्यात ड्रग्ज कल्चर फोफावेल असेही पालेकर म्हणाले.