राज्यात सध्या सुभाष वेलिंगकराचं प्रकरणं चांगलंच गाजत आहे. सेंट फ्रान्सिस झेवियर यांच्याविषयी आक्षेपार्ह वक्तव्य करणाऱ्या वेलिंगकरांच्या विरोधात राज्यात पडसाद उमटत आहे. बेताल वक्तव्ये करुन राज्यात धार्मिक तेढ निर्माण करण्याचा प्रयत्न केला जात आहे. याचदरम्यान, एक बातमी समोर आली आहे. गेल्या दोन ते तीन दिवसांपासून वेलिंगकरांच्या विरोधात आंदोलन करणाऱ्या एका गटाने आंदोलनातून माघार घेतली. काहींचा राजकीय मायलेज घेण्याचा डाव लक्षात येताच या गटाने आंदोलनातून माघार घेतली. मात्र, वेलिंगकरांच्या अटकपूर्व जामीन अर्जाविरोधात हस्तक्षेप याचिका दाखल करणार असल्याची माहिती प्रतिमा कुतिन्हो यांनी दिली आहे.