डिचोली: गेल्या तीन दिवसांप्रमाणे आजही शिरगावात श्री लईराई देवीच्या कौलोत्सवाला प्रारंभ झाला असून, कौलोत्सवाच्या शेवटच्या दिवशी कोणतीही अनुचित घटना घडता कामा नये, त्यासाठी शिरगाव परिसरात मोठा पोलिस फौजफाटा तैनात करण्यात आला आहे. पोलिस बंदोबस्तात कौलोत्सवाला सुरवात झाली असून, आज (मंगळवारी) सायंकाळपर्यंत गर्दी नियंत्रणात होती. सायंकाळपर्यंत बहुतेक घरांमध्ये कौलोत्सव कोणत्याही विघ्नाशिवाय सुरू होता.