गोव्यात मंगळवारी (24 जून) सांजाव उत्सवाची धूम पाहायला मिळाली. राज्यातील पारंपरिक आणि सांस्कृतिक उत्सवांमध्ये एक आगळे-वेगळे स्थान असलेला ‘सांजाव’ हा सण दरवर्षी 24 जून रोजी मोठ्या उत्साहात साजरा केला जातो. सेंट जॉन द बॅप्टिस्ट (St. John the Baptist) या ख्रिश्चन संताच्या सन्मानार्थ साजऱ्या होणाऱ्या या सणाला खास करुन कॅथलिक समुदायात महत्त्वाचे स्थान आहे. गोव्याच्या विविध भागांमध्ये विशेषतः ग्रामीण भागात हा उत्सव पारंपरिक पद्धतीने आणि जल्लोषात साजरा करण्यात आला.