रक्षाबंधनामुळे गोव्यातील पेडणे (Pernem) बाजारपेठेत उत्साहाचे वातावरण आहे. भाऊ-बहिणीच्या पवित्र नात्याचा हा सण साजरा करण्यासाठी बाजारपेठ रंगीबेरंगी आणि आकर्षक राख्यांनी सजली आहे. दुकानांमध्ये वेगवेगळ्या प्रकारच्या राख्यांचे स्टॉल्स लागल्यामुळे बाजारपेठेला एक खास सौंदर्य लाभले आहे. पेडणे बाजारपेठेत राख्यांची मोठी विविधता पाहायला मिळत आहे. पारंपरिक धाग्यापासून बनवलेल्या राख्यांपासून ते आधुनिक डिझाइनच्या आणि लहान मुलांसाठीच्या कार्टून राख्यांपर्यंत अनेक पर्याय उपलब्ध आहेत.