बंगळूर : घरकाम करणाऱ्या महिलेवर अत्याचार आणि अपहरण प्रकरणात लोकप्रतिनिधींच्या विशेष न्यायालयाने आज धर्मनिरपेक्ष दलाचा माजी खासदार प्रज्वल रेवण्णा याला जन्मठेप आणि दहा लाख रुपयांपेक्षा अधिक दंडाची शिक्षा ठोठावली. शुक्रवारी न्यायालयाने त्याला या प्रकरणात दोषी ठरविले होते. प्रज्वलबाबत प्रदीर्घ सुनावणी घेतल्यानंतर विशेष न्यायालयाचे न्या. संतोष भट यांनी त्याला जन्मठेप आणि दहा लाख रुपये दंडाची शिक्षा ठोठावली. यामध्ये पीडितेला सात लाख रुपये भरपाई देण्याचा आदेश दिला आहे.