फोंडा: केरये, खांडेपार येथे एका महिलेने नदीत उडी घेऊन आत्महत्येचा प्रयत्न केला. मात्र, फोंडा पोलिसांनी प्रसंगावधान राखून आणि तातडीने केलेल्या कारवाईमुळे महिलेचा जीव वाचवण्यात यश आले. ही घटना आज, सोमवार (३० जून २०२५) दुपारच्या सुमारास घडली.

मिळालेल्या माहितीनुसार, संबंधित महिला आज दुपारी ती खांडेपार येथील नदीकिनारी पोहोचली आणि नदीत उडी मारण्याच्या तयारीत होती. हा प्रकार काही स्थानिक नागरिकांच्या निदर्शनास आला. त्यांनी तात्काळ फोंडा पोलिसांना याबाबत माहिती दिली.

माहिती मिळताच, फोंडा पोलीस दलाचे जवान तातडीने घटनास्थळी दाखल झाले. पोलिसांनी घटनास्थळी पोहोचताच क्षणाचाही विलंब न लावता महिलेला समजावले आणि पुढील मदतीसाठी ताब्यात घेतले.पोलिसांनी दाखवलेल्या या तत्परतेमुळे आणि शिताफीने केलेल्या कारवाईमुळे एका महिलेचा जीव वाचला आहे