म्हापशात मध्यरात्रीच्या सुमारास पाठलाग आणि गोळीबाराचा धरार घडला. करासवाडा येथील यश शूटिंग अकॅडमीमध्ये पार्किंगवरुन झालेल्या वादातून ही घटना घडली. याप्रकरणी पोलिसांनी गुंड शैलेश गरड (हिस्ट्री शीटर) आणि त्याच्या साथिदाराविरोधात गुन्हा नोंद करुन गरडला अटक केली आहे.

गोळीबार हा प्रत्यक्ष गोळीबार नाही तर स्पोर्ट्स गनचा वापर करुन केल्याचा खुलासा खेळाडुंनी दिला आहे.

करासवाडा, म्हापसा येथे यश शूटिंग अकॅडमीमध्ये नेमबाजी स्पर्धेत सहभागी होण्यासाठी दिल्लीतील खेळाडून आले होते. यावेळी तिथे आलेल्या शैलेश गरड (हिस्टरी शीटर) आणि त्याच्या साथिदारांसोबत पार्किंगवरून खेळाडूंचा वाद झाला. वादाचे रुपांतर बाचाबाचीत झाले.

खेळाडूंनी स्वसंरक्षणासाठी स्पोर्ट्स गनचा वापर करुन हवेत गोळीबार केला. पोलिसांनी याप्रकरणी शैलेश गरड (हिस्टरी शीटर) आणि त्याच्या साथिदाराविरोधात गुन्हा नोंद केला आहे. पोलिसांनी शैलश गरडला अटक केली असून, अधिक तपास सुरु आहे. शैलेशने खेळाडूंना अंपगत्वारून शिवीगाळ केल्याचा आरोप देखील करण्यात आला आहे.