उत्तर गोवा पोलिसांनी चेन स्नॅचिंगच्या घटनांमध्ये सक्रिय असलेल्या कुख्यात इराणी गँगचा पर्दाफाश करत मोठी कारवाई केली आहे. या प्रकरणात पोलिसांनी दोघांना अटक केली असून, त्यांच्या मुसक्या आवळण्यात यश मिळवलं आहे.

राज्यात गेल्या काही महिन्यांपासून चेन स्नॅचिंगच्या घटनांमध्ये वाढ झाली होती. या पार्श्वभूमीवर उत्तर गोवा पोलिसांनी विशेष पथक तयार करत तपास सुरू केला. तपासादरम्यान मिळालेल्या माहितीच्या आधारे पोलिसांनी पाळत ठेवत दोन संशयितांना ताब्यात घेतलं. चौकशीत धक्कादायक बाब उघड झाली की, हे दोघं इराणी टोळीचे सदस्य असून, ते दिवसा गोव्यातील गर्दीच्या भागात महिलांच्या गळ्यातील सोनसाखळ्या हिसकावून रात्रीच्या वेळी महाराष्ट्रात पसार व्हायचे.