Mhadei River Dispute:

कर्नाटक राज्यात काँग्रेस सरकार असले तरीही आम्‍ही म्‍हादई प्रश्‍नावर कुठलीही तडजोड करणार नाही. म्‍हादई हा आमचा जीवन मरणाचा प्रश्‍न आहे. त्‍यामुळे म्‍हादईचे पाणी कर्नाटकात वळविण्‍याला आमचा ठाम विरोध असेल असे मत दक्षिण गोव्‍याचे खासदार कॅ. विरियातो फर्नांडिस यांनी व्‍यक्‍त केले. आज फर्नांडिस यांनी पत्रकारांशी संवाद साधताना ही माहिती दिली. गोव्‍यातील काँग्रेसने म्‍हादईबाबतीत कुठलीही तडजोड करण्‍याची गरज नाही असे आम्‍हाला पक्षश्रेष्‍ठींनी सांगितलेले आहे. म्हादई पाणीवाटपाचा विवाद मिटविण्यासाठी म्हादई प्रवाह समिती स्थापन केली आहे. म्हादई खोऱ्यातील जे पाणी नैसर्गिकरीत्या गोव्याला मिळते ते कर्नाटकाकडून वळविल्याची गोवा सरकारची तक्रार आहे.