ओरोस: अमली पदार्थांविरोधातील कारवाईवर शिवसेनेचे आमदार नीलेश राणे यांनी प्रश्नचिन्ह उपस्थित केले. ड्रग्स पुरवठ्याची साखळी उद्ध्वस्त करण्यासाठी आवश्यक तपास होत नाही. दोडामार्ग तालुक्यात रबर शेतीच्या नावाखाली गांजाची लागवड होत आहे. सुमारे १८०० हेक्टर क्षेत्र रबर लागवडीखाली असून, तेथे स्थानिकांनाही सहज प्रवेश मिळत नाही. पोलिसांनी त्या भागात विशेष मोहीम राबवावी, असा मुद्दाही त्यांनी मांडला. स्थानिक गुन्हे अन्वेषण शाखेतील काही अधिकाऱ्यांवरही राणे यांनी थेट आरोप केले.