बार्देश: नेरुल येथील पुलाजवळ सार्वजनिक बांधकाम खात्याच्या जागेत अतिक्रमण करणारे मासळी मार्केट जमीनदोस्त केल्यामुळे आज रस्‍त्‍यावर मासळी विक्री करावी लागली. त्‍यामुळे नेरुलवासीयांनी संताप व्‍यक्त केला.

गेल्या काही वर्षांपासून नेरुल येथील मासळीविक्रेत्‍या तेथे शेडमध्ये बसून आपला व्‍यवसाय करायच्‍या. काही दिवसांपूर्वी उच्च न्यायालयाच्‍या निर्णयाच्या आदेशानुसार सार्वजनिक बांधकाम खात्यातर्फे अतिक्रमण जमीनदोस्त करण्यात आली होती. आता मासळी मार्केटही बुलडोझरद्वारे भुईसपाट करण्‍यात आले. सरकारने मासळी मार्केट त्वरित बांधून द्यावे अन्यथा उग्र आंदोलन छेडले जाईल, असा इशारा मच्‍छीमारांनी दिला आहे.