पणजी : ‘गोमन्तक’ने राज्य सरकारच्या सहकार्याने आयोजित केलेल्या राष्ट्रीय नारळ परिषदेचे उदघाटन मुख्यमंत्री डॉ. प्रमोद सावंत यांच्या हस्ते उद्या (ता. १०) सकाळी १० वाजता दोनापावल येथील गोवा इंटरनॅशनल सेंटरमध्ये होणार आहे.

केवळ निमंत्रितांसाठी असलेल्या या परिषदेच्या उदघाटन सोहळ्यास राज्‍याचे कृषिमंत्री रवी नाईक, तामिळनाडूचे कृषी व शेतकरी कल्याणमंत्री एम. आर. के. पनीरसेल्वम, कर्नाटकचे कृषिमंत्री एन. चलुवरायस्वामी, महाराष्‍ट्राचे फलोत्‍पादन मंत्री भरत गोगावले उपस्थित राहतील. पनीरसेल्वम यांचे (गुरुवारी) सायंकाळी राज्यात आगमन झाले. ‘गोमन्तक’ने सकाळ परिवारातील कृषी वर्तमानपत्र ‘ॲग्रोवन’ यांचे आयोजनात सहकार्य घेतले आहे.