डिचोली: शंभरहून अधिक वर्षांचा इतिहास आणि परंपरा असलेली तळेवाडा-नार्वे येथील प्रसिद्ध मसणदेवीची जत्रा (मंगळवारी) पारंपरिक पद्धतीने मोठ्या भक्तिभावाने उत्साहात साजरी करण्यात आली. दरवर्षी श्रावण महिन्याच्या तिसऱ्या मंगळवारी ही जत्रा साजरी होते.

या जत्रेचे वैशिष्ट्य म्हणजे, ही जत्रा फक्त दिवसाच साजरी करतात. रात्रीच्यावेळी या परिसरात भुतांचा वावर असतो, अशी भाविकांची भावना आहे. त्यामुळे काळोख पडू लागल्यानंतर मसणदेवीच्या मंदिराकडे कोणी जात नाहीत, की थांबत नाहीत. दुकानांची फेरीही हटवली जाते. मसणदेवीची जत्रा गोव्यासह अन्य राज्यातही प्रसिद्ध आहे.

यंदाही वेगवेगळ्या भागातील हजारो भक्तगणांनी श्री मसणदेवीचे दर्शन घेऊन देवीच्या चरणी आपली सेवा अर्पण केली. मनोकामना पूर्ण झालेल्या भक्तगणांनी देवीच्या चरणी नवसही फेडले.