मुंगुल गॅंगवॉर प्रकरणातील ‘मोस्टवॉन्टेड’ वेली डिकॉस्ता, अमोघ नाईक आणि अन्य एक संशयित प्रकाश करभार  यानेही पोलिसांसमोर शरणागती पत्करली. संशयितांबरोबर यावेळी त्यांचे वकीलही  उपस्थित होते. मागाहून  या संशयितांना फातोर्डा पोलिसांनी ताब्यात घेतले. १२ ऑगस्ट रोजी टोळीयुद्धाची ही घटना घडली होती. गोव्यातील गुन्हेगारी जगतावर वर्चस्व निर्माण करण्यासाठी हे टोळी युद्ध झाले होते. वेली  व वॉल्टर गँगच्या संघर्षातून हे  गॅंगवॉर घडले होते. कुख्यात गँगस्टर लॉरेन्स बिश्नोई याचाही यात सहभाग असल्याने या प्रकरणाचे गूढ वाढले होते.  पोलिसानी  याप्रकरणी २५ जणांना अटक केली होती. अमोघ याचा अटकपूर्व जामीन अर्ज दक्षिण  गोवा सत्र न्यायालयाने फेटाळला होता तर वेलीच्या  अटकपूर्व जामिनावर  शनिवारी,  ४ रोजी सुनावणी होणार होती.