राज्यातील अपघाताचं सत्र काही केल्या थांबायचं नाव घेत नाहीये. सातत्याने अपघाताच्या घटना समोर येतायेत. यातच आता, मोले येथून अपघताची घटना समोर आली आहे. जीवाचा गोवा करण्यासाठी आलेल्या पश्‍चिम बंगालमधील दाम्पत्यावर काळाचा फेरा आला खरा; पण दैवाची साथ मिळाल्याने ‘देव तारी त्याला कोण मारी’, असा प्रत्यय या दाम्पत्याला आला. पश्‍चिम बंगालमधील मेदिनीपूर येथील अभिषेक घोराय आणि पत्नी शायनी हे दाम्पत्य पर्यटनासाठी गोव्यात आले होते. दूधसागर धबधब्यावर जाण्याची त्यांनी आधीच तयारी केली होती. त्यासाठी घोराय दाम्पत्याने ताळगाव येथील ओळखीच्या साहील फ्रान्सिस्को व्हिएगस यांची कार (क्र. जीए-07-एन-5702) घेतली आणि शनिवारी सकाळी कुळेच्या दिशेने कूच केली होती.