गेल्या काही दिवसांपासून राज्यात रो-रो फेरीची सुरुवात झाली आहे. रायबंदर ते चोडण जाणाऱ्या या फेरीवर अनेकांकडून आक्षेप घेण्यात आले आणि हा मुद्दा अधिवेशनात देखील उपस्थित करण्यात आला. समाजकल्याण मंत्री सुभाष फळदेसाई यांनी लेखी स्वरूपात फेरी नको असल्यास कळवावे अशी विनंती केली होती, मात्र आमदार प्रेमेंद्र शेट यांनी रो-रो फेरीला सहकार्य दर्शवले आहे. शाळकरी मुलं आणि इतर गरजू प्रवाशांना वगळता फेरीची किंमत योग्य असल्याचं ते म्हणाले आहेत. काही लोकं केवळ सरकारला नावं ठेवण्यासाठी गोष्टी आणि चर्चा उठवतात मात्र यात काहीच तथ्य नसल्याने शहनिशा करून लोकांनी निर्णय घ्यावा असं ते म्हणले आहेत.