पर्यटक कितीही मद्य पिऊन झिंगला, तरी चालेल, परंतु त्याला हॉटेल-क्लब, गेस्ट हाऊसच्या कर्मचाऱ्यांनी हात लावू नये. जर त्याची वागणूक आक्षेपार्ह असेल तर पोलिसांना त्याविषयी माहिती द्यावी, असे मत गोवा राज्य साधनसुविधा विकास महामंडळाचे (जीएसआयडीसी) चेअरमन तथा कळंगुटचे आमदार मायकल लोबो यांनी व्यक्त केले.

लोबो यांनी मंगळवारी गोवा राज्य साधन सुविधा विकास महामंडळाच्या चेअरमनपदाचा पदभार स्वीकारला. त्यावेळी त्यांनी किनारी भागात नुकत्याच पर्यटकांना झालेल्या मारहाणीच्या प्रकरणावर प्रसारमाध्यमांकडे आपले मत व्यक्त केले. मागील काही दिवसांपूर्वी किनारी भागात पर्यटकांना झालेल्या मारहाणीच्या घटनेचे पडसाद सर्वत्र उमटले.