म्हापसा येथील करसवाडा येथे सुरु असलेल्या एका बांधकाम साइटवर ट्रकचा भीषण अपघात झाल्याची घटना समोर आली. या अपघातात ट्रकचे मोठ्या प्रमाणावर नुकसान झाले असून परिसरात काही काळ भीतीचे वातावरण होते. मात्र, अत्यंत सुदैवाची बाब म्हणजे या अपघातात कोणालाही गंभीर दुखापत झालेली नाही आणि कोणतीही जीवितहानी नोंदवण्यात आलेली नाही. माहिती मिळताच संबंधित विभागाने घटनास्थळी धाव घेतली असून, हा अपघात तांत्रिक बिघाडामुळे झाला की चालकाचे नियंत्रण सुटल्यामुळे, याचा तपास पोलीस करत आहेत. सध्या येथील परिस्थिती नियंत्रणात आहे.