Mandur Wall Collapse Incident:

मंडूर येथे घराची भिंत कोसळून मृत्यू झालेल्या मायलेकांच्या पार्थिवावर अंत्यसंस्कार करण्यात आले. काल झालेल्या दुर्दैवी घटनेनंतर सांतआंद्रे मतदारसंघात रॉड्रिग्ज कुटुंबासाठी सहवेदना व्यक्त केली जात आहे. आमदार वीरेश बोरकर यांनी या विषयी मुख्यमंत्री डॉ. प्रमोद सावंत यांच्यासोबत चर्चा केली. या घराचे दुरुस्ती बांधकाम सार्वजनिक बांधकाम खात्यामार्फत केले जाईल असे मुख्यमंत्री सावंत यांनी सांगितले. तसेच आपत्कालीन व्यवस्थापन निधी आणि मुख्यमंत्री मदत निधीतून आर्थिक मदत करण्याचे आश्वासन दिले.