मांद्रे पोलीस स्थानकासाठी लवकरच आणखी एक 'रॉबर्ट वाहन' उपलब्ध होणार असल्याची माहिती मांद्रेचे मगो आमदार जित आरोलकर यांनी दिली आहे. यासोबतच, नव्या पोलीस स्थानक इमारतीसाठी उपलब्ध असलेल्या सरकारी जागेत ४ हजार चौरस मीटर जमिनीसाठी सरकार दरबारी प्रस्ताव पाठवण्यात आला असल्याचेही त्यांनी स्पष्ट केले. या प्रस्तावित जागेत केवळ नवीन पोलीस स्थानक इमारतच नाही, तर फायर स्टेशन आणि ट्रॅफिक विभाग हे महत्त्वाचे प्रकल्पही साकारण्याचा मानस आहे. "या प्रकल्पांसाठी लवकरत लवकर पायाभरणी करण्याचा माझा प्रयत्न आहे," असे आमदार आरोलकर यांनी सांगितले.