साखळी: साखळीतील गोकुळवाडी परिसरात सार्वजनिक बांधकाम विभागाच्या रस्ते खोदकामादरम्यान पाण्याची मुख्य पाइपलाईन फुटल्याने हजारो लिटर पाणी वाया गेले. ही पाइपलाईन पेट्रोल पंपाजवळ खोदकाम करत असताना अचानक तुटली आणि मोठ्या प्रमाणात पाण्याचा अपव्यय झाला. काही वेळातच परिसर जलमय झाला व नागरिकांची गैरसोय झाली. स्थानिकांनी तात्काळ प्रशासनाला याबाबत माहिती दिली. पाणीपुरवठा खंडित झाल्यामुळे नागरिकांत नाराजीचे वातावरण निर्माण झाले. प्रशासन व जलविभागाचे कर्मचारी घटनास्थळी दाखल होऊन दुरुस्तीचे काम सुरू केले आहे. पाणीपुरवठा लवकरात लवकर सुरळीत करण्याचे प्रयत्न सुरू असल्याचे अधिकाऱ्यांनी सांगितले.