शनिवारी रात्री गोव्यातील मये परिसरात एका कुत्र्यावर बिबट्याने हल्ला केल्याची घटना घडली असून, या हल्ल्यात कुत्रा गंभीर जखमी झाला आहे. या घटनेनंतर परिसरात भीतीचे वातावरण निर्माण झाले असून, नागरिकांमध्ये बिबट्याच्या वावराबाबत चिंता व्यक्त केली जात आहे. यापूर्वीही या भागात बिबट्याचे दर्शन झाल्याच्या चर्चा असल्याने ग्रामस्थांमध्ये दहशतीचे वातावरण आहे. वन विभागाने तातडीने घटनास्थळी पाहणी करून बिबट्याचा बंदोबस्त करण्यासाठी आवश्यक उपाययोजना कराव्यात, तसेच नागरिकांच्या सुरक्षिततेसाठी पिंजरा लावून गस्त वाढवावी, अशी जोरदार मागणी स्थानिकांकडून केली जात आहे.