उत्तर गोव्यातील शिरगाव येथे श्रीदेवी लईराई देवीचा जत्रोत्सव दरवर्षी मोठ्या उत्साहात गोंमतकीय साजरा करतात. यंदाही उत्सवात सहभागी होण्यासाठी गोव्याचे शेजारील राज्ये महाराष्ट्र, कर्नाटक येथून मोठ्यासंख्येने भक्तगण आले होते. मात्र यंदाच्या जत्रोत्सवात एक दुर्घटना घडली. येथे चेंगराचेंगरीसारखी दुर्घटना घडली. शनिवारी पहाटे (3 मे) 4 ते 5 वाजताच्या सुमारास ही दुर्घटना घडली. या दुर्घटनेतील जखमींना तात्काळ शेजारील रुग्णालयात दाखल करण्यात आले. यापैकी तिघांना फोंडा उप जिल्हा रुग्णालयात दाखल करण्यात आले. या तिघांची प्रकृती आता ठीक असून त्यांच्यावर उपचार सुरु आहेत. या तिघांना जेव्हा रुग्णालयात दाखल करण्यात आले तेव्हा त्यांची प्रकृती चिंताजनक होती, मात्र आता त्यांची प्रकृती ठीक आहे.