गोव्यात गेल्या २५ दिवसांपासून मुसळधार पाऊस सुरु असून राज्यातील जवळपास सर्व धरणे फुल्ल झाली आहेत. राज्यात येत्या ऑगस्ट आणि सप्टेंबरपर्यंत पर्जन्यवृष्टी जोरदार राहणार आहे. त्यामुळे आपत्ती व्यवस्थापन विभागाने त्या अनुषंगाने सज्ज राहिले पाहिजे, असा इशारा राष्ट्रीय समुद्र विज्ञान संस्थेचे निवृत्त शास्रज्ञ डॉ. रमेश कुमार यांनी दिला आहे.

गोव्यासाठी संभाव्य धोक्याचा इशारा देताना कुमार यांनी ‘अल निनो’चा परिणाम ऑगस्ट किंवा सप्टेंबर महिन्याच्या अखेरीस दिसून येईल, असे म्हटले आहे. आपत्ती व्यवस्थापन विभागाला नेहमीच सतर्क राहावे लागेल, असे कुमार म्हणाले.