फोंडा: मानसवाडा - कुंडई येथे वीज खांब कोसळून एक कामगार ठार झाला. मयत कामगार प्रकाश कुमार (वय २८) हा मूळ बिहारचा असून तो फोंड्यात राहत होता. मानसवाडा-कुंडई येथे विनावापर पडून असलेले दोन वीजखांब काढण्याचे काम सुरू होते. शुक्रवारी दुपारी ही दुर्घटना घडली. हे वीज खांब काढले जात असताना अचानक एक खांब खाली कोसळला, त्याखाली प्रकाश कुमार आल्याने तो गंभीर जखमी झाला. त्याला मडकई आरोग्य केंद्रात उपचारासाठी दाखल केले जात असतानाच त्याचे निधन झाले. म्हार्दोळ पोलिसांनी या घटनेचा पंचनामा केला. फोंडा वीज खात्याच्या वरिष्ठ अधिकाऱ्यांनी पाहणी केली.