सुकाळे-कोरगाव येथे शुक्रवारी रात्री एका दीड वर्षाच्या मुलाचे अपहरण केल्याच्या प्रयत्नावरुन लोकांनी पकडून दिलेल्या संशयिताचे नाव निकेश च्यारी असे आहे तर दुसऱ्या संशयिताचे नाव संजय नार्वेकर असे आहे. संशयित निकेश च्यारी हा याच गावातील पेठेचावाडा-कोरगाव येथील आहे. तो आरआयबी पोलिस सेवेत असून रायबंदर येथील कॅम्पमध्ये आहे, तर दुसरा संजय नार्वेकर हा शिरोडा- वेंगुर्ला येथील असून तो जीवरक्षक म्हणून नोकरीला आहे. पेडणे पोलिसांनी गुन्ह्यासाठी वापरण्यात आलेली मोटरसायकल व कार ताब्यात घेतली असून त्यांच्यावर गुन्हा नोंद करण्यात आला आहे.