वाळपई: कोपार्डे-ठाणे मार्गावर बुधवारी दुपारी प्रवासी बस आणि दुचाकीमध्ये झालेल्या अपघातात दुचाकीस्वार गंभीर जखमी झाला. जखमी युवकाला रुग्णवाहिकेतून वाळपई उपजिल्हा इस्पितळात दाखल केले आहे.

मिळालेल्या माहितीनुसार, काणकोण येथून प्रवासी घेऊन जाणारी बस घरगुती समारंभासाठी कोपार्डे-ठाणे मार्गावरून जात असता, अरुंद रस्त्यावर एका वाहनाला ओलांडत बस पुढे जात होती. त्याचवेळी समोरून येणाऱ्या मोटारसायकलने बसला जोरदार धडक दिली. या अपघातात पाटील नामक युवक जखमी झाला असून, त्याच्या डोक्याला दुखापत झाली. सुदैवाने या घटनेत कोणतीही जीवितहानी झाली नाही. अपघातानंतर काही काळ रस्त्यावर वाहतुकीची कोंडी निर्माण झाली होती. घटनेची माहिती मिळताच वाळपई पोलिसांनी घटनास्थळी धाव घेत पंचनामा केला.