गेल्या अनेक दिवसांपासून कोडार येथे प्रस्तावित आयआयटी प्रकल्पाला विरोध करणाऱ्या ग्रामस्थांनी आता आपल्या लढाईला एक आध्यात्मिक स्वरुप दिले आहे. आपल्या मागण्या पूर्ण व्हाव्यात आणि प्रशासनाला सुबुद्धी मिळावी या उद्देशाने, ग्रामस्थांनी येथील पारंपरिक दैवत असलेल्या लंगडेश्वर आजोबाच्या मंदिरात जाऊन साकडे घातले. कोडार येथे प्रस्तावित आयआयटी प्रकल्पामुळे येथील शेतजमीन, वनक्षेत्र आणि स्थानिक लोकांचे जीवनमान धोक्यात येणार असल्याची भीती ग्रामस्थांना आहे.