पर्ये: सत्तरी तालुक्यातील केरी व मोर्ले पंचायतीच्या हद्दीतून वाहणाऱ्या पेळावदा येथील ‘उभो गुणो’ या वाळवंटी नदीच्या डोहात बुडून अमित धानेश्‍‍वर पंचांगे (१९) या युवकाचा मृत्यू झाला. तर, त्‍याच्‍या मित्राला वाचवण्‍यास यश मिळाले.

मिळालेल्‍या माहितीनुसार, गुरुवारी (२७ मार्च) दुपारी मेरशी-पणजी येथील तीन मित्रांचा गट ‘उभो गुणो’ येथे सहलीसाठी आला होता. आंघोळीसाठी उतरले असता खोल पाण्याचा अंदाज न आल्‍याने अमित बुडाला. त्याला वाचवण्यासाठी मित्र गेला, मात्र तोही बुडू लागला.

घटनास्थळी उपस्थित असलेल्यांनी तत्काळ नदीत उडी मारून दोघांनाही पाण्‍याबाहेर काढले. पण अमितची प्रकृती गंभीर बनल्‍याने त्‍याला तातडीने साखळी सामाजिक आरोग्य केंद्रात नेण्‍यात आले. परंतु तेथील डॉक्‍टरांनी त्‍याला मृत घोषित केले.