गोव्यात मागील काही दिवसांपासून कला अकादमी वादाच्या केंद्रस्थानी आहे. मराठीतील प्रसिद्ध अभिनेते शरद पोंक्षे यांच्या नाटकाच्या प्रोयगादरम्यान तांत्रिक बिघाड झाल्याने वादंग निर्माण झाला. यातच आता पुन्हा एकदा कला अकादमीत प्रसिद्ध अभिनेते भरत जाधव यांच्या नाटकाच्या प्रयोगादरम्यान तांत्रिक बिघाड झाल्याने वाद निर्माण झाला आहे. या तांत्रिक बिघाडामुळे गोमंतकीय प्रेक्षकांचाही हिरमुड झाला. रविवार (२० एप्रिल) रोजी संध्याकाळी कला अकादमीमधील दिनानाथ मंगेशकर सभागृहाच्या वातानुकूलित यंत्रणेत बिघाड झाल्याने प्रेक्षक नाराज झाले. श्रीमंत दामोदरपंत हे मराठीतील प्रसिद्ध नट भरत जाधव यांचं गाजलेलं नाटक असून सध्या या नाटकाचा गोवा दौरा सुरु आहे.