प्रदेशाध्यक्ष अमित पाटकर यांनी आमदार कार्लुस फेरेरा यांच्याविरोधात लिहलेल्या तक्रार पत्राची आपल्याला माहिती नसल्याचे वक्तव्य खासदार विरियातो फर्नांडिस यांनी केले आहे. याविषयाबाबत आपल्याला अधिक माहिती नाही, पण पक्षाचे वरिष्ठ नेते याबाबत निर्णय घेतील, असे त्यांनी स्पष्ट केले. मला देखील वृत्तपत्रातून याबाबत माहिती मिळाली असून, अधिक माहिती नाही. हा विषय पूर्णपणे पक्षांतर्गत असून, वरिष्ठ त्याबाबत निर्णय घेतील, असे विरियातो म्हणाले.